"Ao final, facendo as cousas ben, penso que todo vai ben", comenta Jaime Álvarez, que rexenta unha tenda de viños.

Esa é a sensación que teñen os veciños. O Grove comeza a tomarlle de novo o pulso á vida. Non sumar contaxios novos é unha fonte de optimismo a pouco máis de tres semanas para que chegue o verán.

"A verdade é que si, que xa dá gusto ver ambientiño pola estrada, xa dá gusto que ves movemento nas cafeterías, os restaurantes abertos, polo menos ves a xente moverse,  sabes", explica ​Marinela Torres, comerciante.

A xente do Grove quere pasar páxina e esquecer o último mes.

"Esta rúa aí polas oito da tarde non había ninguén, ninguén, ata nin nenos había", fala ​Rosa Rivas que leva 48 anos vivindo no Grove.

Nos últimos 7 días non se detectaron novos positivos. Agora pode presumir de estar entre os concellos cos mellores datos.