CRTVG

Buscar

O gromo no edificio administrativo da Xunta en Lugo suma xa 18 contaxios, pero dáse por controlado

Publicado o 04/06/2021 13:27

Saen sete positivos das 650 PCR que se fixeron ao persoal deste edificio administrativo da Xunta. Para hoxe estaban citados outros 50 traballadores no covid-auto do Hula. Sanidade di que o gromo está estabilizado.

Os casos positivos localízanse entre o persoal do departamento da primeira planta, onde se detectou o primeiro caso. O gromo suma xa 18 contaxios, a maioría asintomáticos.

Precisamente na busca deses asintomáticos, Sanidade decidía facer un cribado a todo o cadro de persoal do edificio, debido á relación que hai entre os traballadores das distintas áreas e co fin de poder cortar esa posible cadea de transmisión. 

O xerente da área sanitaria de Lugo, A Mariña e Monforte, Ramón Ares, aseguraba que "o gromo está estabilizado, a partir de aí o que se vai facer é o seguimento coma con calquera positivo dos contactos estreitos, aos corentenados repíteselles a PCR aos dez dias, como se fai con todo seguimento de casos".

 

 

 

Noticias web

04/06/2021