O Goberno quere exhumar a Franco "canto antes" para afastarse do 10-N
A vicepresidenta do Goberno, Carmen Calvo, avanzou este martes que a exhumación dos restos de Francisco Franco se fará "canto antes" porque así o avala a sentenza do Supremo e para afastalo da próxima campaña electoral.
En declaracións aos medios á súa chegada a un acto da Axencia de Protección de Datos, Calvo mostrouse "moi satisfeita" de que sexa este Goberno o que saque a Franco "dun lugar de enaltecemento público" e valorou que se fixo de maneira "pulcra e garantista" pero, ademais, "absoluta" xa que "a sentenza di onde deben ser reinhumados os restos. Pasamos unha páxina durísima".
Calvo lembrou que España era a única democracia que tiña a un ditador en "un mausoleo de Estado" e insistiu en que a sentenza se executará "o máis próximo que podamos" cun acordo de Consello de Ministros que fixará unha data.
Iglesias: A exhumación de Franco repara unha "vergoña" da democracia
O secretario xeral de Podemos, Pablo Iglesias, considera que a decisión do Supremo de avalar a exhumación de Francisco Franco do Val dos Caídos constitúe un "paso importantísimo" na reparación dunha "vergoña" que se mantivo en 40 anos de democracia.
La exhumación de Franco constituye un paso importantísimo en la reparación de una vergüenza que hemos cargado durante 40 años de democracia. Una conquista que debemos a los familiares de las víctimas de la dictadura. Seguiremos luchando por la memoria, la verdad y la justicia.
— Pablo Iglesias (@Pablo_Iglesias_) September 24, 2019
Vox acusa ao PSOE de empezar a campaña "profanando tumbas"
O presidente de Vox, Santiago Abascal, acusou este martes ao PSOE de iniciar a campaña electoral a base de "profanar tumbas, desenterrar odios e cuestionar a lexitimidade da monarquía" e asegurou que o seu partido defenderá "a liberdade e o sentido común fronte ao totalitarismo e os trucos de propaganda electoral".
Empieza la campaña socialista: Profanar tumbas, desenterrar odios, cuestionar la legitimidad de la monarquía. Solo VOX se opondrá frontalmente, porque solo VOX tiene el valor para defender la libertad y el sentido común frente al totalitarismo y los trucos de propaganda electoral
— Santiago Abascal (@Santi_ABASCAL) September 24, 2019
Máis sobre actualidade
