O Ministerio de Dereitos Sociais propón repartir entre as comunidades autónomas 200 dos menores non acompañados que xa estaban en Ceuta. Son mozos cunha situación legal, escolar e sanitaria xa regularizada. O obxectivo é deixar sitio nos centros de acollida da cidade autónoma para os rapaces chegados nos últimos días.

A ministra Ione Belarra di que os traslados poderían facerse de forma inmediata. O Goberno galego xa se declarou disposto a acoller algúns destes menores.