A ministra de Sanidade presentou o primeiro Plan Nacional do Alzhéimer. Son un conxunto de medidas a aplicar de aquí a 2023 para impulsar a investigación tanto sobre os tratamentos como sobre a detección precoz dunha enfermidade que padecen 700.000 españois. O documento tamén propón actuar no ámbito laboral, da vivenda ou dos servizos sociais para facilitar a permanencia do enfermo na súa contorna e minimizar o impacto sobre os seus familiares.