O Goberno prorrogará un mes máis os actuais expedientes temporais de regulación de emprego. En principio, caducaban a semana vindeira. A intención do executivo é estendelos ata o 31 de outubro. A partir dese día, os ERTE continuarían vixentes durante 3 meses máis, pero con novas condicións.

O Goberno pretende condicionar as novas axudas a que as empresas poñan en marcha plans de formación. As negociacións con sindicatos e patronal continuarán este venres.