O Goberno do presidente Joe Biden comezará este martes a reunificar algunhas das familias de inmigrantes separadas pola administración Trump.

Catro mulleres centroamericanas, no seu momento deportadas aos seus países de orixe, serán as primeiras que poderán regresar aos Estados Unidos para reencontrarse cos seus fillos.

A día de hoxe hai máis dun milleiro de familias inmigrantes separadas como consecuencia da política de tolerancia cero aplicada polo anterior goberno estadounidense.