O Goberno aprobou hoxe un real decreto polo que destina 76,4 millóns de euros á reactivación do sector cultural. Segundo explicou o ministro de Cultura, José Manuel Rodríguez Uribes, trátase de "paliar o dano no sector causado ata agora e tamén pensando na desescalada".

A disposición habilita un acceso extraordinario á prestación por desemprego para os traballadores do sector que non se puidesen acoller a outras medidas xerais establecidas pola pandemia do coronavirus.

As medidas estrutúranse en sete bloques de axuda para os distintos subsectores. O ministro considera que é un decreto "medido, pensado e que chega no momento xusto".