O Goberno amosouse tranquilo respecto á investigación da Comisión Europea sobre o rescate de Plus Ultra. A voceira do Executivo sinalou que a aeroliña pertence a un sector estratéxico para a economía española, e di que cumpre cos requisitos legais esixidos.

"Non temos ningunha dúbida de que todo foi absolutamente legal e de que a Comisión Europea non vai poñer ningún problema. Fíxose de forma correcta, con tres informes independentes. É unha empresa española que cumpre todos os requisitos do decreto lei", asegurou María Jesús Montero.