O Goberno cubano cita a un interrogatorio a Arián González. O avogado hispano-cubano asentado en Ourense foi arrestado o pasado 12 de xullo nunha manifestación pacífica na Habana.

Arián está citado hoxe polo Ministerio do Interior de Cuba para declarar. O avogado e xadrecista permanece en arresto domiciliario dende o pasado 22 de xullo, día no que saíu do cárcere de La Pendiente.

O seu contorno di que non coñece o motivo deste interrogatorio e lembran que Arián González segue privado de liberdade e pendente de xuízo por desacato.