O Ministerio de Transportes adianta a súa postura e advirte que será complicado recuperar os cartos das peaxes cobrados na AP-9 logo de que a  Unión Europea declarara ilegal a prórroga da concesión da autoestrada sen antes sacala a concurso público. 

As reaccións non se fixeron esperar. Desde a asociación de consumidores que efectuou a denuncia en Bruxelas critican a postura do Goberno e apuntan a supresión da prórroga ata o 2048 como principal obxectivo.

O Goberno ten dous meses para contestar  ao requirimento da Comisión Europea. Se non pon trabas, a denuncia podería prosperar e a autoestrada sería de balde nun prazo de seis meses. Pola contra, se o executivo central xustifica a ampliación da prórroga, os galegos seguirán pagando nas peaxes da AP-9 durante o tempo que tarde o Tribunal de Xustiza europeo en ditar sentenza.