E como sempre, a finais de agosto chega o momento de pensar en equipar os nenos para a volta ao colexio. Libros de texto, mochilas, dicionarios ou material de papelería enchen a lista da compra de moitas familias. Para reducir gastos algunhas recomendacións son revisar o material de anos anteriores que se poida reutilizar antes de mercar o novo ou acudir aos bancos de libros de texto.