Tempo de deportes no telexornal. En Madrid estase decidindo que vai pasar co fútbol non profesional. Incluída a Segunda B, que é profesional ao cen por cento. Non hai máis que ver o que paga a Facenda e Seguridade Social.

Continúa a xuntanza da Federación Española cos presidentes dos entes autonómicos. Segundo puido saber a Televisión de Galicia todo vai comezar antes do previsto. En outubro poderán estar de volta a Segunda B e a liga feminina. Así como o fútbol sala de máxima categoría. E no mes de novembro cada federacion debería arrancar coas súas ligas, terceira división, rexional preferente, categorías autonómicas. Con formatos diferentes aos coñecidos.