O ERE proposto por CaixaBank, o maior do sector bancario, vai supoñer o despedimento duns 90 empregados en Galicia. A Coruña, con 39, e Pontevedra, con 26, serán as provincias máis afectadas polo axuste de persoal. A entidade eliminaría así un de cada nove empregos en Galicia, onde ten 830 traballadores.

Os sindicatos critican as condicións ofertadas por CaixaBank, que rompen a tendencia de expedientes anteriores. Cren que a esixencia de que a metade das saídas sexa de menores de 50 anos vai reducir a voluntariedade, e non descartan mobilizarse contra o axuste.