Comezou a segunda volta na Liga Feminina de baloncesto cunha contundente derrota do Durán Maquinaria Ensino na súa visita á pista do Perfumerías Avenida. O equipo salmantino non lle deu opción ás galegas, que viñan de conseguir a súa clasficación para a Copa da Raíña. O 17-6 do primeiro cuarto abriu o camiño a un claro triunfo local, por 35 puntos de diferenza. Salientou o excelente partido da ensinista Vega Gimeno, autora de 16 puntos 5 rebotes e 6 faltas recibidas.