Imos con voleibol. O Guaguas de Gran Canaria cumpriu co seu papel de favorito e derrotou o Emeve no primeiro partido da eliminatoria polo título da Superliga por un set a tres.
O equipo lugués non tivo opcións nos dous primeiros sets neste encontro que disputaba como local. Con parciais de 20-25 e 17-25, o Guaguas amosaba a súa superioridade. Pero o Emevé non se deu por vencido e, nun emocionante set, logrou levalo por un axustado 25 a 23. Os visitantes reaccionaron ben e tomaron a iniciativa na cuarta manga, que gañaron por 21 a 25. A eliminatoria trasládase agora a Gran Canaria. O Emevé precisaría gañar os dous partidos nas Palmas para seguir en competición.