Derrota do Deportivo xuvenil en Polonia na ida da eliminatoria para acceder a Champions desta categoría. O equipo de Manuel Pablo pagou a falta de acerto na primeira metade e antes de chegar ao descanso encaixou dous tantos. Fornalczyk no minuto 39 e Bak no engadido puxeron en cómoda vantaxe o cadro local.

A eliminatoria complicouse aínda máis no treito final do encontro. O Deportivo quedou cun home menos pola expulsión de Yeremay, por dobre cartón amarelo, e o conxunto polaco volveu marcar no tempo extra. O Deportivo obrigado a remontar en Riazor.