E despois do paso de tres candidatos ao ascenso por Riazor, o Sporting, o Granada e o Málaga, a confianza do Deportivo aumenta. O xogo despregado e o bloque formado animan un vestiario que ata hai poucos meses era un centro de frustracións.

Dúas vitorias e un empate e a sensación de que o proxecto Natxo González funciona...O Deportivo superou con boa nota o cara a cara cos rivais máis potentes.

E o máis positivo. No vestiario instálase a crenza de que o mellor aínda está por vir.

A seguinte pedra no camiño poñeraa o Elxe o venres. O club loita nos despachos por salvar a Quique González da sanción tras a súa polémica expulsión do domingo.