O RC Deportivo anunciou este sábado a contratación do xogador ofensivo Ager Aketxe, que chega ao equipo coa carta de liberdade, segundo informou a entidade branquiazul. O xogador vasco, que ten 26 anos, comprometeuse co conxunto galego por unha tempada con opción a ampliar a relación un ano máis, ata o 30 de xuño de 2021. O futbolista chega libre ao Deportivo tras xogar a tempada pasada co Cádiz en LaLiga 1/2/3 procedente do Toronto FC, co que disputou a MLS norteamericana. A segunda fichaxe do equipo coruñés para a campaña 2019/20 pode actuar tanto no extremo como na mediapunta.

Aketxe formouse no Athletic de Bilbao, co que chegou a debutar en Primeira División na tempada 2014/15, foi cedido ao Cádiz na campaña 2016/17, despois fichou polo Toronto, e o curso pasado regresou ao equipo gaditano, desde o que desembarca no Deportivo. O xogador incorporarase o luns á pretemporada co resto do persoal tras pasar o xoves o recoñecemento médico e coñecer as instalacións do club

Ager Aketxe xa coñece #anosacasa. Benvido! https://t.co/UxsPL1eVnL pic.twitter.com/ZqMyCGVQyF

— RC Deportivo (@RCDeportivo) 13 de xullo de 2019