Pasan as xornadas e as rapazas do Deportivo Abanca seguen ilusionando co seu fútbol, coa súa actitude. Esta fin de semana golearon ao Raio Vallecano. 3 a 0 en Abegondo. Peque, Gaby e Maya manteñen intacto o soño deste recén ascendido, que colidera a liga xunto co Barcelona a pesar de ter o orzamento máis baixo da categoría. Estas futbolistas xogan, gañan e namoran co seu fútbol. Son o equipo revelación do campionato.