Semana frenética na área xurídica do Deportivo para salvagardar os seus intereses. O Deportivo sacou onte pola noite un extenso comunicado no que denuncia o atropelo que pretende perpetrar a Liga.

O Deportivo pide o descenso do Fuenlabrada por incumprimento grave da normativa deportiva e solicita tres medidas cautelares: anulación da derradeira xornada, suspensión de ascensos e descensos e ampliación da liga a 24 equipos para a próxima temporada. Mentres, Tebas mantén o pulso. Di estar afeito a este tipo de conflitos dos que, lembra, sempre saíu airoso.