Coñecer Galicia é adentrarse polos seus rueiros. Porque máis aló das zonas monumentais, están as verdadeiras xoias: a veciñanza.

Teresa, malia ser a que mellor coñece a historia dos Muíños da Pedrachán, non quere falar á cámara, pero a conversa con ela é o verdadeiro encanto deste recuncho en Noia recomendado desde o departamento de turismo do Concello de Noia. 

Estes muíños medievais, conxunto preindustrial vinculado á auga na ribeira do río Traba, son parte da nosa historia.

E se sae o sol, a praia non está tan lonxe.