En Galicia tramitáronse 17 mil expedientes de regulación temporal de emprego nas últimas tres semanas, segundo a Xunta. O conselleiro de Economía pídelle ao Ministerio de Traballo celeridade e medidas extraordinarias para que as prestacións cheguen ás familias afectadas canto antes. Francisco Conde confirma que "témoslle trasladado ao goberno central a necesidade de que pague as prestacións a medidas de que as comunidades autónomas imos resolvendo eses expedientes de regulación de emprego. Normalmente as prestacións páganse o dez de cada mes e nós o que lle pedimos e que se flexibilice ese pago".

A crise sanitaria paralizou preto do corenta por cento do producto interior bruto do país. Para reactivar a economía, Francisco Conde considera que todos os esforzos deben focalizarse na creación de emprego, e nas medidas que faciliten ás empresas e os autónomos a contratación. Un camiño no que lle pide ao goberno central seguridade xurídica e planificacion. "Entre as últimas medidas que tomou o goberno está a de negar os fondos para a formación a Galicia, cen millóns que lle está confiscando e que non parece que se poida aplicar porque é competencia da comunidade e porque lle está negando a formación a 30 mil traballadores" asegurou a Televisión de Galicia .

Conde dixo que en Galicia un Comité de expertos avaliaría as medidas fiscais, laborais necesarias para anticipar a reactivación economica e comprometeuse a axilizar os pagos da administración aos seus provedores.