O Congreso abrirá as súas portas o 24 de decembro con fins solidarios. A Cámara Baixa acolle este ano a cea de Noiteboa para persoas sen recursos organizada pola ONG Mensaxeiros da Paz en lugares emblemáticos. Por mor da pandemia, non se vai celebrar ao xeito tradicional. A comida entregarase preparada para levar pero a xente que acuda poderá ver de preto o hemiciclo.