O Comité Nacional de Competición da Federación Española de Balonmán acordou na reunión extraordinaria celebrada este luns aprazar a disputa das xornadas 1 e 3 da liga ASOBAL , previstas para esta semana, a "teor da solicitude asinada por case o 50 por cento dos clubs e a Asociación de Xogadores de Balonmán (AXBM)".

No seu escrito, segundo informou a Federación Española a través dun comunicado, o Comité Nacional de Competición destaca "a posible existencia, coñecida hoxe mesmo, de casos de contaxio nalgúns clubs", algo que "dotaría de maior forza"  solicitude de aprazamento efectuada polos asinantes do escrito.

Con todo, o Comité de Competición limitou o aprazamento ás xornadas 1 e 3, previstas para os días 2 e 5 de setembro, e non ás tres primeiras xornadas tal e como solicitaba a proposta.