O Dicsa Modular Cisne perdeu na pista do Puente Genil por 31-23. O partido estivo moi equilibrado na primeira metade e decidiuse no segundo tempo. 

De feito as alternativas foron constantes nos primeiros 30 minutos. Ningún dos dous equipos superou os dous goles de vantaxe (7-5 para os locais foi a máxima) e co Cisne por diante durante moitos intres do partido. 

O inicio da segunda parte comezou a desequilibrar para o Ángel Ximénez. Cun parcial de saída de 4-1 puxo un +3 que lle sería moi complicado recurtar aos pontevedreses. Conseguiron aguantar ata mediado ese parcial (21-19) pero ata aí durou a resistencia. Un 8-2 demoledor acabou por sentenciar o partido.