O Celta vai ter que asegurar a permanencia nas últimas dúas xornadas. A derrota ante o Osasuna fai que a liga se aperte aínda máis. Co Eibar salvado e o Español descendido, Celta, Alavés, Leganés e Mallorca repártense as papeletas para ocuparen os dous postos para descender. Os celestes deberán recibir o xoves un Levante sen obxectivos e o domingo, visitar un Español descendido. O Alavés visita un Betis sen obxectivos e recibe un Barça que podería non xogar nada ou xogalo todo. O Mallorca recibe un Granada con aspiracións europeas e visita un Osasuna sen nada en xogo. Finalmente, o Leganés ten que visitar un Athlétic que loita por Europa e recibir un Real Madrid que podería ser xa campión de liga.