O Celta afronta este luns no Coliseum un deses partidos que poden marcar o futuro inmediato do equipo. Visita o pechacancelas, que aínda non gañou pero que acaba de cambiar de técnico, e nun escenario que historicamente non o favorece. Eduardo Coudet ten clara a importancia do choque. O técnico, que confirmou que non viaxa Tapia e si Medrano, amosouse incómodo pola situación clasificatoria do equipo. Na lista de 23 xogadores tamén entran por primeira vez os xuvenís Hugo Sotelo e Hugo Álvarez.