O Cangas presenta o seu equipo para unha temporada que aínda non ten protocolo

Publicado o 28/08/2020 19:28

O Frigoríficos do Morrazo presentouse este venres ante 300 afeccionados, nun acto marcado polas medidas sanitarias e no que, a diferenza do que vén sendo habitual cada verán, non participaron as categorías inferiores do club galego. “Imos vivir unha tempada atípica, probablemente non imos poder meter a 2.500 persoas cada partido no Gatañal. Pero os xogadores sabemos que a afección estará connosco igualmente. Pelexaremos por todos eles para cumprir o obxectivo da permanencia”, dixo durante o seu discurso o capitán do primeiro persoal, Dani Cerqueira.

“Cando chegas a un club novo sempre pensas que o que che están vendendo non será para tanto. Pero iso non pasa aquí. O que me atopei no Frigoríficos é incrible, e así llo trasladei aos novos xogadores”, afirmou o adestrador, Nacho Moyano, que vivirá a súa segunda tempada no banco do Catañal.

Faltan 4 días para que comece a Liga Asobal de balonmán. Vai ser o primeiro deporte de equipo que inicie a nova temporada. O Cangas e o Cisne debutan os dous o mércores, pero non as teñen todas consigo. Aínda non hai un protocolo e as restricións nos adestramentos non foron iguais para todos os equipos.

A temporada de balonmán comeza a vindeira semana coa liga Asobal e a Copa da Raíña feminina. E con moitas incertezas. Non hai aínda protocolo. Non saben os clubs se teñen que facer probas PCR antes de cada partido.

O Guardés fará o luns as probas, pagadas pola Federación Española para a Copa. Despois, na liga, ninguén sabe que asumirá un custe duns 50.000 euros por temporada.

Cinco días para que comece a temporada e negros nubarróns de dúbidas. Esta é a realidade do deporte non profesional

Deportes actualidade

Club Balonmán Cangas

Suspendidas as copas de hóckey 2020, pero A Coruña celebrará as de 2021

Juanfran: "É un mercado atípico, non hai que ter presa"