Había ganas de volver ir a un pavillón para ver deporte. E agora o protocolo obriga a ir con máscara, tomar a temperatura, deixar unha copia do carné de identidade co número de teléfono, limparse con xel... Así, todo afeccionado que entre...

E se se supera iso, se todo vai ben, volve a unha bancada. E senta só, ou acompañado se vai cun convivente. E na bancada, xa saben: volverán sufrir. Como sofren os adestradores cando as cousas non van ben, alleos, polo momento, a esta primeira experiencia en Galicia dun partido con afeccionados.

Nada raro pasou na pista entre un equipo que compite na Champions e outro que loita pola permanencia. O Frigoríficos abre a temporada cunha clara derrota por 13 goles ante un Bidasoa en que brilla o porteiro galego Xoán Ledo.