Afeito á disciplina militar, ao padexeiro galego Diego Romero non lle está resultando demasiado duro o confinamento.

O deportista cuntiense, integrado nos equipos de desinfección que a Brilat de Pontevedra achega á loita contra a pandemia do coronavirus, intenta manter a forma física. Practica na casa, pero ve moi lonxe a volta á competición.

Facendo equipo con Tono Campos no C2, Romero conseguiu o ouro nos mundiais de maratón na China a finais do pasado ano. Un campionato en que tamén subiu ao máis alto do caixón individual no maratón curto. Meses despois a regata importante está sendo outra.