Mentres as lonxas de España comezaron o ano con datos negativos na súa actividade, a do Porto de Vigo crece con forza e xa move máis do 40% do fresco de España. As reformas levadas a cabo pola Autoridade Portuaria coa división dos espazos de lonxa e mercado están a potenciar a actividade.

As actuacións no porto continúan coa modificación de usos en distintos espazos e a ampliación do mercado e da lonxa que estará terminada antes do verán. A lonxa do Berbés consolídase como centro principal de distribución de produtos do mar de Europa.