España é o país da zona euro que menos gastou o ano pasado para facer fronte á crise económica derivada da covid. Así o afirma un artigo publicado polo Banco Central Europeo.

O organismo calcula que España investiu en estímulos fiscais un 1,3 % do seu PIB, mentres que a media europea se situou no 4 %.

O Goberno español non comparte esta cifra, porque non inclúe a contía dos ERTE nin outras partidas que transferiron ás comunidades autónomas, e eleva o gasto ata o 5,5 %.