O BBVA reunirá o próximo venres os representantes sindicais para empezar a negociar un despedimento colectivo que afectaría tanto aos servizos centrais coma á rede comercial da entidade financeira en España.

O alcance deste primeiro ere do banco aínda está por definir, pero podería afectarlles a uns 3.000 empregos en España, un 10 % do cadro de persoal. A dirección da entidade financeira indicou que é imprescindible reducir agora a súa estrutura de custos para poder garantir o emprego futuro.