O Banco de España alertaba nas últimas horas de que a utilidade dos ERTE para manter o emprego se está esgotando. O motivo, din, é a deterioración financeira das empresas que levan tempo padecendo as consecuencias da covid-19. 

Pablo xestiona varios locais de hostalaría en Ourense. Nas últimas semanas decidiu pechar definitivamente dous deles. Na primeira vaga da pandemia acollérase a un ERTE, agora despediu varios traballadores.

Así e todo, a maior parte das empresas afectadas polas restricións decidiron acollerse a ERTE, xa que o cese de actividade obrigaría a maioría a devolver as axudas. Só nesta xestoría tramitaron arredor de medio cento no último mes.

Leacnet é unha desas traballadora afectada por un ERTE. Traballaba nun pub que tivo pechar.

Os sindicatos denuncian atrasos no cobro das prestacións, de ata varios meses, debido á avalancha de ERTE presentados.