Mentres o resto do sector termal español prepara o seu regreso, este balneario de Laias reabre hoxe as súas portas cun completo protocolo de seguridade, que comeza na recepción e se estende a todo o recinto.

Os tratamentos termais, a oferta estrela de Caldaria, deberán agardar á autorización administrativa, pero todo apunta que os baños reabrirán as portas nunhas semanas, adaptados ás novas esixencias. Polo momento, a oferta é de descanso, gastronomía e natureza.

Amais, a iniciativa Termalismo Solidario traerá a partir de xullo a estas instalacións a profesionais sanitarios e das forzas de seguridade para que descansen tras o seu esforzo durante a crise do coronavirus.