Na horta de Galicia medran as primeiras colleitas de aguacate galego. A desta finca do Rosal, a primeira que acolleu este cultivo en Galicia, recollerase o vindeiro mes de marzo.

Hai seis anos puxeron en terra as primeiras plantas, chegadas desde Málaga, unha zona produtora consolidada, e, cos seus froitos, abastecen a pequenos comercializadores locais. Estes gromos prometen unha boa campaña.

Esta empresa, que traballa segundo os principios da agricultura ecolóxica, tamén está especializada en mazás para a elaboración de sidra e mesmo teñen un zume propio.