Liga de Campións. Esta mañá os xogadores do Atlético de Madrid sometéronse ás probas de covid-19 practicadas pola UEFA. Onte deron todos negativo nas probas que lles practicaron en Madrid antes de saír.

O Atlético estase adestrando no Seixal, a cidade deportiva do Benfica. Foi un adestramento especial para João Félix, que volveu á súa casa. Incluso o Benfica lle deu a benvida cunha pancarta nos arredores do campo de adestramento.

Thomas adestrouse por primeira vez canda os seus compañeiros, pero todo apunta a que non estará en condicións de xogar mañá ante o Leipzig.