Desde o ano 2000, en que morreron nas estradas galegas 380 persoas, ata 2017, en que esa cifra se reduciu ata 76, pasaron moitas cousas.  A Garda Civil incrementa os controis: en 2017 fixéronse 4.200.000 de velocidade, 800.000 de alcolemia e 8.300 de drogas. Os condutores vanse concienciando máis, pero tamén con grandes eivas. 

O 81% dos accidentes dos que saen as 76 vitimas mortais produciuse en estradas convencionais, sendo o tipo de accidente máis común a saída de vía, seguido pola colisión frontal. Dos 76 falecidos, 10 foron peóns atropelados en vías interurbanas e 14 usuarios de motocicleta.