O prezo do alugueiro da vivenda en Galicia subiu un 5,2 % en febreiro respecto ao mesmo mes do ano anterior. O metro cadrado sitúase nos 7,1 euros. Porén, segundo o último informe do portal da internet Idealista, baixou un 0,1 % respecto a xaneiro deste 2021.

No conxunto do Estado, o descenso medio do prezo do alugueiro foi do 1,2 % ata alcanzar os 10,8 euros o metro cadrado, o cal supón ademais un descenso do 3 % trimestral. En termos interanuais, o custo descendeu un 2 %.