CRTVG

Buscar

O alto prezo do gasóleo B preocupa os agricultores da Limia

Publicado o 06/05/2019 14:33

O alto prezo do gasóleo agrícola preocupa os labregos da Limia. Nun ano subiu case un 50%, chegando a case un euro o litro. Isto encarece moito os custos de produción da pataca.

O litro do gasóleo B está na provincia de Ourense hoxe de media a 99 céntimos, son ata vinte céntimos máis que noutras provincias españolas e case o dobre do que custaba aquí hai un ano.

Estes días na Limia están en plena sementeira da pataca, apurando as horas de sol, e non lles chega nin un depósito de gasóleo cheo ao día. Piden axudas á Administración para paliar o incremento dos custos de produción.

Limia é a comarca que máis pataca produce de toda Galicia, máis de cen millóns de quilos cada campaña.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

06/05/2019