CRTVG

Buscar

O Alondras e o Bergantiños continúan na loita polo ascenso; o Compostela queda fóra

Publicado o 03/06/2019 18:46

Por subir continúan na pelexa o Alondras e o Bergantiños. Decepción na familia do Compostela. Este gol do filial do Alavés no minuto 92 eliminou os santiagueses. O Alavés xogaba con nove homes. O Compostela dominara toda a segunda metade. Tiña a clasificación no peto, pero este erro defensivo provoca a frustracion no Vero Boquete.

Bergantiños 5-Covadonga 0
O Bergantiños entrará hoxe no bombo tras golear ao Covadonga por 5-0 na casa, deixando o cómputo xeral da eliminatoria nun contundente 7-0.

A superioridade dos de Carballo foi absoluta e tralo temperán gol de Ekedi, sentenciaron no segundo tempo cos tantos de Diego Fernández de penalti, Agulló en dúas ocasións e Cano. Mellor non lle puido ir a eliminatoria aos de Miguel Figueira que á terceira queren que sexa a vencida.

Mensaxeiro 1-Alondras 1 
Avanza tamén o Alondras tras empatar na Palma co Mensaxeiro. Álex igualou a eliminatoria para os canarios no minuto 53. Pero só seis minutos despois, Aitor Díaz volvía marcar un gol decisivo para o seu equipo.

Alondras e Bergantiños coñecerán os seus rivais a partir das catro e media.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

03/06/2019