Para que os casos activos sigan baixando, continúan as probas masivas para detectar asintomáticos, como as que se están facendo nos aeroportos galegos. É o caso do aeroporto Rosalía de Castro, que vive hoxe o día con máis actividade de toda a Semana Santa.

Son os primeiros pasaxeiros do día. Entre eles encontramos estudantes que acaban de pasar a proba.
E viaxeiros sorprendidos por poder facer o test de antíxenos de balde.

Outros din que viaxan por motivos de traballo. Yurubí e a súa filla trasládanse a vivir a Santiago e fixeron a proba pensando no maior co que van convivir.

Está previsto que por esta terminal pasen durante o venres máis de tres mil pasaxeiros, no día de más actividade da Semana Santa. Hai quen vén coas probas feitas antes de subir ao avión.

Cando o próximo luns remate a Semana Santa o aeroporto sumará 24.000 pasaxeiros e 160 voos, a maior parte, nacionais. Outros douscentos operarán na Coruña e Vigo. E, de momento hai, dous positivos nos tests, que se confirman con PCR.