Distancia, distancia e distancia, esa é a gran clave do novo tempo nos centros de día. Aquí retirouse mobiliario e converteuse a cafetería nunha sala de reunións.

Tamén está separada a entrada de subministración, e crearanse grupos burbulla para que os que comparten transporte coman xuntos; este centro conta tamén cunha zona de illamento por se aparece un positivo ou un sospeitoso. Son algúns dos requisitos que esixe a Administración galega tras a pandemia.

Tamén se sacou do ximnasio algún aparello para desconxestionar, e as cabinas de tratamento son individuais.

Polo de agora son trinta os usuarios que comezarán o mércores, todos vacinados, pero o centro ten capacidade para 80.