CRTVG

Buscar

Núñez Feijóo, tras falar con Calvo, considera "entendible" que o Goberno necesite tempo

Publicado o 05/05/2020 14:48

O presidente da Xunta, Alberto Núñez Feijóo, informou a través da súa conta de Twitter de que a vicepresidenta primeira do Goberno, Carmen Calvo, se puxo en contacto con el para informalo, algo que agradeceu "pese a ser con feitos consumados".

Núñez Feijóo di que coinciden en que "o primeiro é a saúde, e non hai que deixar de actuar". Con todo, o presidente do Goberno galego asegura que "todas as medidas poden adoptarse sen prorrogar sine die o estado de alarma". 

A mensaxe, en castelán, remata abrindo unha porta ao acordo: "Outra cousa é que o Goberno necesite tempo para organizarse", algo que considera máis "entendible" que as razóns expostas polo Executivo central ata agora.