A dirección de Alcoa convocou este mediodía unha reunión para abordar a venda da planta de San Cibrao.

Participan o Goberno central, a Xunta e os traballadores, de xeito telemático. É a segunda reunión deste tipo e coincide coa finalización da primeira fase do proceso de venda a Liberty House.

De momento, houbo un contacto inicial entre as dúas compañías, que matizaron os termos xerais da venda. Nos próximos días visitarán a fábrica para realizar unha auditoría.