O Sergas confirma que todo o alumnado do campus de Lugo que se someteu este luns ás probas de antíxenos deu negativo. En total, foron 1.054 persoas.

Segundo o xerente da área sanitaria de Lugo, A Mariña e Monforte de Lemos, Ramón Ares, a participación na primeira xornada do cribado foi do 61 %.

Este martes continúa a toma de mostras que se está a realizar na Facultade de Veterinaria, no acceso ao salón de actos do centro.

A vicerreitora de Coordinación do campus, Montserrat Valcárcel, asegura que as clases presenciais se retomaron con normalidade. Neste sentido, lembra que se reactivaron todas as normas de prevención fronte ao coronavirus implantadas no primeiro semestre do curso.