O Obradoiro recibe este sábado o Real Madrid. Un Madrid que xa sabe o que é perder na caldeira de Sar. Sempre hai unha primeira vez e na memoria da afección obradoirista está aquela vitoria sobre o Madrid de Bullock, que dirixía Ettore Messina. Naquel Obradoiro estaba Vasileiadis. Ano 2009.

Unha década despois, o Obradoiro tentará repetir esta xesta. E unha das claves será a de manter a concentración durante todo o encontro.