Navalia, unha das principais feiras do naval do sur de Europa, asinou un convenio de catro anos coa rusa Neva.

O director da feira viguesa explicou que se trata dunha colaboración comercial, de promoción e información co evento que se celebra en San Petersburgo. Navalia é unha feira bienal, e en 2020 tivo que ser suspendida pola pandemia. Os organizadores queren atrasar a 2022 o próximo certame internacional do naval en IFEVI.