Mehdi Nafti, novo adestrador do C. D. Lugo, asegurou que a súa primeira misión é "recuperar" animicamente os xogadores que quedaron afectados polo cesamento do seu antecesor, Juanfran García, que salvou o equipo do descenso o curso pasado e foi destituído na quinta xornada do curso actual en postos de descenso.

"Primeiro hai que recuperar os mozos animicamente porque o que pasou non é fácil para eles, que tiñan bo feeling co adestrador. Hai vimbios e os mozos darannos moitas alegrías, estou convencido".